მომხმარებლის უფლებები

• აბონენტი უფლებამოსილია ისარგებლოს ინტერნეტ მომსახურებით დღე-ღამის ნებისმიერ დროს, 24 საათის განმავლობაში და გამოიყენოს იგი ნებისმიერი მიზნებისათვის, გარდა მოქმედი კანონმდებლობითა და ხელშეკრულებით აკრძალულისა.
• აბონენტი უფლებამოსილია აირჩიოს მისთვის სასურველი მომსახურების პაკეტი, ხელშეკრულებით ან/და მისი დანართებით გათვალისწინებული პირობების შესაბამისად.
• აბონენტი უფლებამოსილია შეატყობინოს კომპანიას ნებისმიერი დაზიანების შესახებ და კომპანიის ცხელი ხაზისგან (ტელ: +995 0322500301) მიიღოს სატელეფონო კონსულტაციები ინტერნეტ მომსახურებასთან დაკავშირებით ყოველდღე 24 საათის განმავლობაში.
• აბონენტი უფლებამოსილია მიიღოს ინფორმაცია მომსახურების დეტალური ანგარიშის და ანგარიშთან დაკავშირებული დამატებითი დეტალების თაობაზე.
• აბონენტი უფლებამოსილია სიმნეტის მომსახურებასთან დაკავშირებული საჩივრები წარადგინოს როგორც უშუალოდ სიმნეტში, ასევე, მომხმარებელთა ინტერესების საზოგადოებრივი დამცველის სამსახურში.

შენიშვნა: მომხმარებლის უფლებების სრული ჩამონათვალი იხილეთ „სიმნეტის“ მიერ ფიზიკური პირებისათვის ელექტრონული საკომუნიკაციო მომსახურების მიწოდების შესახებ ხელშეკრულების სტანდარტული პირობებში.

მომხმარებელმა მისი დარღვეული უფლების აღდგენის ან მიყენებული ზარალის ანაზღაურებისათვის საჩივარი შეუძლია შეიტანოს:

• პროვაიდერი კომპანიის სპეციალურ, საჩივრების განმხილველ სამსახურში;
• კომუნიკაციების ეროვნულ კომისიაში, რომელსაც გააჩნია მომხმარებელთა ინტერესების საზოგადოებრივი დამცველის სამსახური;
• სასამართლოში.

შენიშვნა: საჩივრის შეტანისას ამ მიმდევრობის დაცვა საჭირო არ არის!

პროვაიდერ კომპანიას უფლება არ აქვს საჩივრის გამო მომსახურება შეგიწყვიტოთ!

საჩივრის ფორმა შეიძლება იყოს სატელეფონო, ელექტრონული ფოსტის ან წერილობითი. მიზანშეწონილია საჩივარი შეიცავდეს შემდეგ ინფორმაციას:

• სამსახურის დასახელება, რომელშიც მომჩივანს შეაქვს საჩივარი;
• საჩივრის წარმდგენი პირის ვინაობა და მისი ფაქტობრივი მისამართი;
• პროვაიდერი (მომსახურების მომწოდებელი) კომპანიის ოფიციალური დასახელება და მასთან გაფორმებული ხელშეკრულების ნომერი;
• მოთხოვნა;
• გარემოებანი, რომელთაც ეფუძნება მოთხოვნა.